به گزارش شبکه اطلاع رسانی راه دانا به نقل از نیریمیز، روزبه صمدی شاعر نیری در اثر « زلزله » به وصف زلزله سال 75 نیر و سرعین پرداخته است.
این شعر در سال 1375 سروده شده است
,
.........................
تورپاغین باغری جوشوب یئر اوزی لرزان اولدو
اسدی طوفان بلا خلق هراسـان اولدو
.........................
ائله بیل کی یئرین آلتیندا کی داشلار جیریلیب
یا کی هر بیرطرفه بوْمبا یا توْپلار ویریلیب
یادا بیر آندا یئرین ایپلیگی بیردن قیریلیب
,
,
,
,
,
,
ائله سیلکیندی کی دام داش هامی ویران اولدو
اسـدی طوفان بلا خلق هراسـان اولدو
..............
یئر جاییب ،چاتدادی دام،سیندی دیرک،آغنادی سون
قورخوسوندان بولودو اؤز باشینا باغلادی گون
سرعین ایله نیرین دؤره‌سی چالخاندی بوتون
,
,
,
,
,
یوزنئچه کند هامیسی خاکیله یکسان اولدو
اسدی طوفان بلا خلق هراسان اولدو
..............
دام دووار یاتدی ،گؤیه قووزادی توْز تورپاغی یئل
گؤزیاشیندان ائلیمین چاغلادی هر بیر یانا سئل
ائل دوشوب قازدی یئری الده کولونگ بیرده کی بئل
,
,
,
,
,
بئله توْزلاندی هاوا گون اوزو پنهان اولدو
اسدی طوفان بلا خلق هراسان اولدو
...............
,
,
دام دوواردان قورولوب تورپاغین اوستونده کلک
آسقیریب باد فنا یئر اوزونو ائتدی الک
نئچه مین انسانی اؤز جایناغینا ویردی فلک
,
,
ساوالان دامنه‌سی قانیله الوان اولدو
اسدی طوفان بلا خلق هراسان اولدو
...............
بالا وای ناله‌سی دونیا اوزونو چولقـالادی
یاحسین(ع) سسلری هر بیرطرفی حالقالادی
کوْرفلک یوردوموزون سینه‌سینه قان جالادی
,
,
,
,
,
بو عزادن ائلیمین گؤزیاشی نیسان اولدو
اسدی طوفان بلا خلق هراسان اولدو
...............
«آلداشین»«اسلام آباد»«گوللوجه»«میمند»و«شیران»
«لاتیران»«آلچا»«اوْجور»«آغ قالاسی»بیرده «دئمان»
«بئنومار»«سیرخاب»«ایرینجی»«تئجره»«ورگه‌سران»
,
,
,
,
,
هامیسی یاستیلانیب خاکیله یکسان اولدو
اسدی طوفان بلا خلق هراسان اولدو
..................
«تازه کند» ایله، «سامانلی» و «سئیین»«ارجستان»
«اسنه‌مز»« پیرنی»«جوراب» ایله«شاییق»بیرده«بوْران»
بیرده «آتشکده»«ویلا دره‌سی»قالدی وئران
,
,
,
,
,
«یامچی» یاسلاندی، «گولستان»دا کولستان اولدو
اسدی طوفان بلا خلق هراسان اولدو
................
,
,
«وله زاقرد» داغیلیـب،اوچدی «ویرسق»له «ویند»
«شاه بولاغی»له «گؤیرچین» هامیسی اوْلدو سرند
ساوالانین اته‌یی دای نه دئییم یوز نئچه کند
,
,
هامیسی دیبدن اوچوب مثل بیابان اولدو
اسدی طوفان بلا خلق هراسان اولدو
...................
,
,
کورپه‌لر تازه آچان قونجا کیمی پرپراولوب
نازگلین‌لر، آنالار قوش کیمی بی شهپر اولوب
قوْچ ایگیدلر، آتالار هئیکلی بی پیکر اولوب
,
,
باغریمیز یاندی بو افغانیله شان شان اولدو
اسدی طوفان بلا خلق هراسان اولدو
..............
,
,
بـو مصیباته نه نوعیله دؤزک بیزلر آمان
بئله بیردردی چکیب هانکی بشر، هانکی زامان؟
تورپاغین قاره اوزون رنگ ائله‌دی قیرمیزی قان
,
,
«آغلاغان» ایله «بالیقلی» چایی آلقان اولدو
اسدی طوفان بلا خلق هراسان اولدو
.................
کیملرین بیزکیمی عالمده سینیب قول قانادی؟
بیزلرین حالینی کیم گؤردو، اورکدن یارادی
تکجه آذربجانین میللتی قان آغلامادی
,
,
,
,
,
بو عزادن اوزولن مردم ایران اولدو
اسدی طوفان بلا خلق هراسان اولدو
.....................
اردبیل ،دشت مغان، باشه قرا باغلادیلار
خوی،مرند، تبریز،اهر،سینه‌لرین داغلادیلار
مشکین،اورمیه و سلماس و نیار آغلادیلار
,
,
,
,
,
بو مصیباته شریک مردم گیلان اولدو
اسدی طوفان بلا خلق هراسان اولدو
.............
ایرانین میللتی بیر لحظـه‌ده دؤندو دنیزه
بو کشاکشده آغیر قاردا یاغیب چیخدی دیزه
هر طرفدن کؤمه‌یین یوکلری یوللاندی بیزه
,
,
,
,
,
بیزه آرتیق یانیخان تبریز و زنجان اولدو
اسدی طوفان بلا خلق هراسان اولدو
................
بیزه قارداش کیمی همدردلیک ائدیب ری،همدان
اصفهان ،شیراز ویزد اولدو بیزه آرخا دوران
ایرانین میللتی کوللن هامیسی دردی دویان
,
,
,
,
,
ییغیشیب ائللریمیز تهرانا مهمان اولدو
اسدی طوفان بلا خلق هراسان اولدو
..............
سن نیراوغلو یارامیز اوستونه دوز باغلاما چوخ
آلیشیب بیرده یانارسان بوقده‌ر آغلاما چوخ
گل قوتار اوخشاماغی قلبیمیزی داغلاما چوخ
,
,
,
,
,
یازدین ائللر غمینی بیر یئکه دیوان اولدو
اسدی طوفان بلا خلق هراسان اولدو
17/12/1375
...........................
{یالقیز آغاج} کیتابیندان 1386
............................
,
,
,
,
,
,
انتهای پیام/
]
ارسال دیدگاه